Бæстæты иудзинад

Цæгат Ирыстоны Паддзахадон университеты студенттæн лекци бакаст Дэвид Эрбен горæт ТолИдо-йæ. Уый у америкаг университеттæй иуы профессор. Нæ республикæмæ ссыд Таганроджы уæлдæр ахуырады минæвæрттимæ. Æмбырды сæйраг хъуыды - Цæгат Ирыстоны Паддзахадон Университет, стæй националон æмæ æппæтдунеон минæвæртты æмгуыстад. Таганроджы институтæй уазджытæ радзырдтой, дунейы æппæт бæстæтæй профессортимæ кусын хъæугæ æмæ ахадгæ хъуыддаг кæй у, уый. Дэвид Эрбен бабæрæг кодта Уæрæсейы бирæ горæттæ. Америкаг литературæйы курсытæ кæсы. Абон æм хъуыстой фæсарæйнаг æвзæгты факультеты студенттæ. Делегациты минæвæрттæ радзырдтой нæ республикæйы паддзахадон университетимæ æмгуыстады фидæны тыххæй. «Студенттæ архайынц алыхуызон программæты. Ацæуынц кæрæдзийы бæстæтæм ахуыр кæнынмæ. Фæсивæдæн æнцондæр уыдзæн программæйы архАйын, сæ курдиат паддзахадон агентадмæ куы бадæттой, уæд. Афтæмæй сын уым æххуыс кæндзысты æхцайæ, уæдæ сæм цы фарстатæ сæвзæры, уыдонæн дæр-иу райсдзысты бæлвырд дзуаппытæ», — профессор /г. Толидо, АИШ/ Дэвид Эрбен. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv