Паддзахадон автоинспекцийы кусджытæ сарæзтой рейд

Фæндаджы сæрты нысангонд бынаты сæрты чи нæ хизы, уымæй уæлдай ма светофоры фæтк дæр чи не `ххæст кæны, уыцы фистæгцæуджытæм сæ хъус æрдардтой Паддзахадон автоинспекцийы кусджытæ. Дзæуджыхъæуы сæйраг уынгтæй иуы инспектортæ сарæзтой профилактикон мадзæлттæ. Адæмæн æмбарын кодтой фæндаггон æдасдзинады фæтк. Йæ халджыты йын æфхæрдтой закъонмæ гæсгæ. Уымæй уæлдай ма автоинспекцийы кусджытæ се `ргом аздæхтой, фистæгцæуджыты хæдтулгæты шофыртæй чи нæ уагъта, уыдонмæ дæр. Министрады пресс-службæйы куыд фехъусын кодтой, афтæмæй ахæм рейдтæ горæты уынгты æппынæдзух аразынц. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv