Донецкы адæмон республикæйы сывæллæттӕ систы культурон-ахуырадон проекты архайджытæ

Ирыстоны культурæ æмæ æгъдæуттимæ Донецкы адæмон республикæйы сывæллæттӕ хæстæгдæр базонгæ уыдзысты культурон-зонадон туризм «Аланские тропы»-йы руаджы. Æххæстгонд цæуы ныр дыууæ азы. Программæ у автономон æнæкоммерцион æхсæнад «Дарить добро»-йӕ. Йæ автор Гæбæраты Кристинæ. Фæсивæдæн уыдзæн гæнæн нæ хæхтæ, кæмттæ æмæ æхсæрдзæнты алæмæты рæсугъдзинадæн аргъ скæнын. Уымæй уæлдай сæхи фæлвардзысты алыхуызон æркастытæ æмæ дæсныйадæвдисæн ахуырты.