Чысыл патриоттæ

Комы-арты æфсæддон-патриотон лагерь кадджын уавæры сæхгæдтой. Архайдтой дзы 120 сывæллоны республикæйы алы районтæй. Дыууæ къуырийы сывæллæттæ сæ фæллад уагътой, балцы цыдысты хæхтæм, æмбæлдысты æмæ ныхас кодтой цымыдисаг адæмимæ. Уымæй уæлдай ма сæм уыд хи бахъахъхъæныны æмæ æфсæддон цæттæдзинады уроктæ. Лагеры, фæлтæримæ уыдысты æнахъом сывæллæтты хъуыддæгты фæдыл хайæдты кусджытæ æмæ фæлтæрдджын инструктортæ. Йæхи хорз чи равдыста, уыцы сывæллæттæн кадджын мадзалы балæвар кодтой сертификаттæ. 5 сывæллоны та схорзæхджын кодтой Мидхъуыддæгты министрады риуылдаргæ нысан "Долг и честь"-æй. Уый фæстæ æрыгон патриоттæ равдыстой концертон программæ. Сывæллæтты фарсмæ æрбалæууыд Паддзахадон Думæйы депутат Таймазты Артур дæр. Уæ зæрдыл уын æрлæууын кæндзыстæм, æфсæддон-патриотон лагерь арæзт цæуы Цæгат Ирыстоны мидхъуыддæгты министрады æххуысæй. Кадджын мадзал саразыны хъæппæрис та рахаста республикæйы мидхъуыддæгты министр Михаил Скоков. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv