Сергей Меняйло архайдта сывæллæтты дзæбæхгæнæн лагеры ног корпус гом кæныны мадзалы

Ног корпус байгом кæныны кадджын мадзалы дистанцион хуызы архайдта Федерацийы Советы сæрдар Валентина Матвиенко. Радзырдта, "2030-æм азмæ Уæрæсейы субъектты фæлладуадзæн мадзæлттæ аразыны æмæ райрæзты" программæйы радон къæпхæн кæронмæ æнтыстджынæй æххæстгонд, кæй æрцыд. Ацы проекты 'руаджы 50 мин сывæллонæй фылдæр æрвылаз уæлæмхасæн хуызы сæ фæллад уаддзысты. Дыккаг къæпхæны бæстæйы 16 регионы сарæзтой 40 ног цæрæн корпусы. Райдианæй фæстæмæ дзы фæзынд 89. Æрдæгæй фылдæр кусдзысты æрвылаз. Республикæйы сæргълæууæг Сергей Меняйло куыд фæнысан кодта, афтæмæй ахæм центртæ хъæугæ сты. Радзырдта, Цæгат Ирыстоны афæдзæй-афæдзмæ регионы фылдæр сывæллæттæ сæ фæллад, кæй суадзынц. Центры ног модуль "Доброе сердце"-йы бынат ис 49 сывæллонæн. Æнæниздзинад фæхъæддых кæнын æмæ фæллад суадзынæн дзы фæсивæдæн алцыдæр ис. Æмбæлгæ уавртæ дзы сарæзтой йе 'нæниздзинад хъыгдæрд кæмæн у, уыцы сабитæн дæр. Центры специалисттæ ацыдысты сæрмагонд ахуыртæ. Корпус кусдзæн æрвылаз. Рæстæг пайдаимæ арвитынæй уæлдай ма дзы ис æнæниздзинад фæхъæддых кæнæн дæр.