2019 æм азы Цæгат Ирыстоны сцалцæг кодтой фæндæгты 60 километры

Ивгъуыд аз республикæйы базылдысты фæндæгты 60 километрмæ. Сарæзтой ног хидтæ. Сног кодтой фæндаджы уæлцъар. Уый тыххæй хъусын кæнынц «Кавказ»-ы федералон фæндæгты управленийæ. Сосæ фæндаг «Кавказ»-ы сцалцæг кодтой уаддзаг Кæсæг Балхъары республикæйы арæнтæм хæстæг. Йæ дæргъ - 5 километры. Фæндаджы 539 километрыл цæугæдон Камбелеевкæйы сæрты фæзынд ног хид. Дзæуджыхъæу æмæ Алагиры `хсæн фæндагыл бындуронæй сцалцæг кодтой дыууæ хиды. Арæзтадон куыстытæ ма цыдысты «Транскам»-ы 48-æм километрыл дæр. Фæндаггон службæйы кусджытæ цæджындзты бындур ногæй сфидар кодтой. Базылдысты дондзæуæн системæмæ. Урухы хъæу æмæ Змейкæйы стæницæйы астæу сног кодтой фæндаджы уæлцъар. Æдасдзинады тыххæй фæуæрæхдæр кодтой хъæуæй ахизæнтæ. Ныртæккæ Дзæуджыхъæу æмæ Алагиры `хсæн Æрыдоны доны сæрты аразынц ног хид. Фидæны аз æй эксплуатацийы ратдзысты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv