Азæлыд сæ рæсугъд зард

Амæ та азæлыд сæ рæсугъд зард. 2-æм æппæтадæмон кавказаг фестиваль «Мариинский-Дзæуджыхъæу»-ы фæлгæты Мариинаг театры зарæггæнджыты къорд азарыд адæмон æмæ уырыссаг классикæйы зарджытæ. Сæ репертуар у тынг хъæздыг. Зарæггæнджыты къорды сæйраг хормейстер Андрей Петренко куыд загъта, афтæмæй гæнæн ис æмæ ирон адæмон зарæг дæр сæ репертуары фæзына. Арфæйы ныхæстæ ракодта республикæйы цæрджытæн, ахæм фестиваль нæ республикæйы арæзт кæй æрцæуы, уый фæдыл. Уæ зæрдыл уын æрлæууын кæндзыстæм Андрей Петренко Дзæуджыхъæуы аивæдты колледжы иу æмæ дыууæ хатты нæ лæвæрдта дæсныйад æвдисæн ахуыртæ. Гергиты Ларисæйы хъæппæрисæй иу æрбамбæлд Цæгат Ирыстонмæ. Фæсивæдимæ кодта æргом ныхас. Фидæны хормейстерты фæлтæрддзинадæн ахæм фембæлдтæ стыр пайда. Мариинаг театры хоры сæйраг хормейстер Андрей Петренко: «Тынг рæсугъд зал. Уæдæ дзы акуыстикæ дæр мæ зæрдæмæ фæцыд. Тынг æхсызгон мын у Цæгат Ирыстоны филармонийы ахæм рæсугъд бæрæгбæттæ кæй цæуы, уæлдайдæр та ахæм фестиваль. Алы горæтæн йæ бон нæу, ахæм бæстыхаййæ раппæлын». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv