Ирыстоны артисттæ бафæлвардзысты сæхи «Двенадцать жемчужин»,зæгъгæ фестивалы

10-æй 12-æм хурхæтæны маймæ Ульяновскы цæудзæн хъазахъхъаг фестиваль «Двенадцать жемчужин», зæгъгæ. Чи дзы архайдзæн, уыдоны `хсæн сты нæ республикæйы минæвæрттæ дæр. Национ иудзинады аз фестивалы сæ курдиат равдисдзысты нæлгоймæгты хор æмæ кæфтыты фольклорон ансамбль «Харес».  Ацæгъддзысты, æмбал кæмæн нæй ахæм музыкалон инструменттыл - доуль æмæ фæндырыл. Уæвгæ та, Ульяновскы фестивальмæ æрбамбырд уыдзысты 17 сфæлдыстадон къорды нæ бæстæйы 14 регионæй. Се `хсæн - Кæсæг-Балхъар, Чуваши, Мордови, Адыгейæ, Татарстан æмæ бирæ æндæр рæттæй. Уазджытæ йæм сæмбæлдзæн Казахстанæй дæр. Æдæппæтæй фестивалы йæ арæхстдзинад чи равдисдзæн, уыдоны нымæц хæццæ кæны 200-мæ. Бафтаудзыстæм ма уый, æмæ хъазахъхъæгты фестиваль 2008-æм азы кæй фæзынд. Уæд ын уыдис регионалон нысаниуæг. 7-8 къорды йеддæмæ дзы-иу н` архайдта. Ацы аз æй скодтой æппæтуæрæсейон. Йæ архайæг къордты нымæцыл ахæм ногдзинад куыд фæбæрæг, уый та чысыл раздæр фехъуыстат. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv