Сæрæнтæн - фæлварæн

Парашютимæ рагæпп кæнын æнцон хъуыддаг нæу, уæлдайдæр дæ бæрæг ран æрбадын куы хъæуа, уæд. Фидæны десантон æфсæддонтæ радтой сæ фæстаг фæлварæн. Ахуыр сæ кодтой ДОСААФы скъолайы. 18 азæй 26 азы онг кæуыл цæуы, уыдон хъахъхъæндзысты фыдыбæстæйы æдасдзинад. Æнхъæлмæ сæм кæсынц Омскы ахуырадон центры. Уый фæстæ службæ кæндзысты нæ бæстæйы æфсады сæрмагонд дæлхайæдты. Фæлварæны тыххæй бæлвырддæр – нæ дарддæры æрмæджы. Цæгат Ирыстоны цæттæ кæнынц уæлдæфон æфсæддонты. Сæ ахуыртæ фесты. Рауагъдонты хъæуы фæстаг фæлварæн радтын. Инструкторы амынддзинæдтæ рох никæмæй сты. Ахуыртæ цыдысты мæй æмæ рдæг. Æдæппæтæй 20 адæймаджы, дыууæ къордæй. 18 азæй 26 азы онг кæуыл цæуы, ахæм фæсивæд. Дымгæ тынг нæ кæны, боны ахаст иттæг хорз у гæпп кæнынæн. Парашютисттæ-иу æрбадтысты бæлвырд ран. Курсантты цинæн кæрон нæй, фæлварæн чи исы, уыдон дæр разыйæ баззадысты. Советон цæдисы хъайтар Александр Солуянов: «Боныхъæд гæпп кæнынæн хорз у. Уæлдайдæр, фыццаг хатт чи фæлвары, уыдонæн. Хур, дымгæ нæ кæны, парашют рахицæн кодтай – дæ зæрдæ райы, купол райгом – цы ма уа хуыздæр. Зæххыл аныдзæвыдтæ æмæ дæ цинæн кæрон нал ис. Уыцы `нкъарæнтæ семæ баззайдзысты. Иннæ хатт та сын уымæй хуыздæр рауайдзæн». Фæсивæд парашюттæ æмбырд кодтой сæхæдæг. Уымæн арæхстдзинад хъæуы. 900 метры æмвæзадыл æй гом дæр сæхæдæг кæнынц. Нартыхъты Давид парашютимæ рагæпп кодта 4-æм хатт. Сæтты, иу-хаттæй иннæмæ адæймаг къаддæр кæй нæ тæрсы. Курсант Нартыхъты Давид: «Фæстаг хатт гæпп кодтон дыууæ мæйы размæ. Уæд дæр тынг тарстæн æмæ ныр дæр. Афтæ зæгъдзынæн, æмæ ныр ноджы тынгдæр. Куыд уæм кæсы, 900 метры æмвæзадæй бынмæ куы `ркæсай, уæд нæ фæтæрсдзынæ? Парашют та нæхæдæг æмбырд кодтам æмæ алцыдæр аразгæ уыд нæхицæй». Сæрмагонд ахуыртæ республикæйы сарæзтой фыццаг хатт. Фидæны десантон æфсæддонты æвзæрстой физикон æмæ психологон домæнтæм гæсгæ. Æфсады хуыздæр хайæдты службæ кæнынæн хъæуы сæрмагонд миниуджытæй æххæст уæвын. Ахуыртæ сты Уæрæсейы æдасдзинады министрады хъæппæрис. Сæ нысан – æфсадæн хорз специалистты рагацау бацæттæ кæнын. Ныр курсанттæм æнхъæлмæ кæсынц Омскы ахуырадон центры. Уым райсдзысты алыхуызон хæстон дæсныйÆдтæ. Дарддæр сæ службæ кæнынмæ арвитдзысты Уæрæсейы æфсады сæрмагонд дæлхайæдтæм. Ныр та уал сæ алчи дæр хæссы æхсæг-парашютисты ном. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv