Музыкалон уагдæттæн балхæндзысты музыкалон инструменттæ

Цæгат Ирыстоны 2 музыкалон уагдонæн балхæндзысты музыкалон инструменттæ, æдæппæттæй 14 милуан æмæ 5 сæдæ мин сомæн. Ахæм хъуыддаг бантысдзæн национ проект «Культурæ»-йы фæлгæты. Уый тыххæй фехъусын кодтой нæ республикæйы культурæйы министрады. Афтæ, музыкалон инструменттæ балхæндзысты Гергиты Валерийы номыл музыкалон училищæйæн æмæ Мæздæджы музыкалон скъолайæн. Национ проектмæ гæсгæ ма 80 азы мидæг фыццаг хатт сцалцæг кæндзысты сывæллæтты театр «Саби». Уымæй уæлдай ма базилдзысты республикæйы районты культурæйы галуантæ. Уæ зæрдыл уын æрлæууын кæндзыстæм, национ проект «Культурæ» аххæсдзæн 2024-æи азмæ. Арæзт у цалдæр федералон проектæй : «Культурная среда», «Творческие люди» æмæ «Цифровая культура»-йæ. Ахæм проект сæххæст кæныны тыххæй рахай кæндзысты 113 миллиард æмæ 5 милуан сомы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv