Репсбуликæйы агурынц мадзæлттæ æгуыст адæмы нымæц къаддæр кæнынæн

Æгуыст адæмы нымæц фылдæр у, куыст чи дæтты, уыдонæй. Ивгъуы къуыримæ та ма, куыст чи агуры, уыдоны нымæц нæ бæстæйы фæфылдæр. Уый тыххæй хъусын кæнынц Уæрæсейы фæллой æмæ социалон рæзты министрадæй. Сæ иртæстытæм гæсгæ мартъийы кæрон æгуыст адæмы нымæц Уæрæсейы схæццæ 820 мин адæймагмæ. Нæ бæстæйы 60 регионы уавæр сæ хуыздæртæй нæу. Уæрæсейы министрад уыцы номхыгъдмæ бахаста нæ республикæйы дæр. Республикæйы куыст дæттыны комитетмæ адæм æххуысмæ цæуынц, фæлæ сын уым сæ размæ цы хæссынц, уыцы куысты бынæттæ сæ цæсты цæмæдæр гæсгæ н` ахадынц. Афтæмæй та ныртæккæ тынг кадавар сты инженертæ, ахуыргæнджытæ æмæ медицинон кусджытæ. Кусæг дæсныйæдтæй та слесыртæ, электриктæ, ахорджытæ, газæй æмæ электрон тыхæй æндадзджытæ. Вæййы афтæ, æмæ æгуыст адæймагмæ ис хъæугæ дæсныйад, фæлæ кусыныл разы нæ вæййы. Уымæн дæр ис ахоссæгтæ. Тынгдæр сæ фтæрсын кæны сæ мызды бæрц. Цы улупа сын фидинаг вæййынц, уый тыххæй йæхи кусынæй марынмæ ничи батагъд кæны. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv