Куысты фæдыл

Фидæны дæсныйад равзарыны бонмæ Цæгат Ирыстоны сарæзтой акци. Дзæуджыхъæуы куыст дæттыны центры æмæ районты хайадты хъæппæрисæй скъоладзаутæ бакастысты сæрмагонд мадзæлттæм. Сæ руаджы фæсивæд ссарынц тæккæ хуыздæр æмæ пайдадæр дæсныйæдтæ. Скъолаты ахуырдзаутимæ фембæлдысты Цæгат Кавказы хæххон-металлургон институты æмæ Дзæуджыхъæуы æфсæнвæндаджы транспорты техникумы минæвæрттæ дæр. Æдæппæтæй акцийы архайдтой цыппарсæдæ скъоладзауы. Æрбацæуджытæн радзырдтой, ныры дуджы фылдæр цавæр специалисттæ хъæуынц, уый тыххæй. Стæй сын скодтой тест. Алкæй бон уыд, цы куыстмæ хуыздæр сарæхсдзæн, уый рабæрæг кæнын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv