Цæгат Ирыстоны уæлдæр ахуыргæнæндæтты рауагъдонты стажировкæйæн рахай кæндзысты 3 милуан сомы

Цæгат Ирыстоны уæлдæр ахуыргæнæндæтты рауагъдонты стажировкæйæн рахай кæндзысты 3 милуан сомы.  Куыстдæттыны комитеты сæрдар Платы Альбинæ дзыллон информацион фæрæзтæн куыд радзырдта, афтæмæй ныхас цæуы 55 адæймагыл. Куысты фыццаг фæлтæрддзинад райсдзысты куыд районты, афтæ Дзæуджыхъæуы администрацийы. Рауагъдонты равзврынц куыстдæттæг компаниты домæнтæм гæсгæ. Уый фæстæ сæ арвитынц стажировкæмæ. Рауагъдонтæ исдзысты мызды æппынкъаддæр бæрц - 12 130 сомы. Æдæппæтæй ацы аз стажировкæ ацæудзысты 150 рауагъдоны. 2018 азы уыцы нымæц уыд 131 студенты. Ныр сæ фылдæрæн фадат уыдзæн баззайын уыцы куысты мидæг. Платы Альбинæ куыд зæгъы, афтæмæй сын куыст ссарынмæ дæр баххуыс кæндзысты. Кусгæ-ахуырты рæстæг у 3 мæйы. Фæнысан кæндзыстæм уый, æмæ æхцайы фæрæзтæ рахай кодтой 2014-2024 æзтæн нысангонд паддзахадон программæ «Содействие занятости населения». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv