Раст у æви нæ?

Фæстаг рæстæг республикæйы фылдæр адæм кæй мæлы, уый раст нæу - хъусын кæнынц Цæгат Ирыстоны æнæниздзинад хъахъхъæнынады министрадæй. Æрæджы дзыллон информацион фæрæзты куыд айхъуыст, афтæмæй нæ республикæ ацы сæрмагонд бæрæггæнæнтæм гæсгæ Уæрæсейы фыццаг бынаты ис. Профилон ведомствайы куыд æмбарын кæнынц, афтæмæй адæм фылдæр мæлынц фæндаггон фыдбылызты, медицинон аххосаг дзы нæй. Нæ республикæйы тагъд æххуысы службæйы кусджытæ æмæ специалисттæ аразынц алыхуызон мадзалттæ, федералон фæндагтыл фæндаггон фыдбылызты чи бахауы, уыдонæн афоныл æмæ æмбæлгæ медицинон æххуыс бакæныныл. Афтæмæй фæндаггон фыдбылызты чи амæлы, уыдоны къаддæр кæнынц. Уæдæ карз нозт дæр къаддæр зиан нæ хæссы адæмы æнæниздзинад æмæ цардæн. Цæгат Ирыстоны æнæниздзинад хъахъхъæнынады министры хæдивæг Цыдаты Татьянæ: «Фæстаг бæрæггæнæнтæм гæсгæ куыстхъом адæмæй чи амард, уыдон дзæвгар фæфылдæр сты - 173%. Арæхдæр карз нозтæй... Уыимæ сæ фылдæр вæййынц карз нозтæй арæх чи нæ нуазы æмæ наркологон хыгъды чи нæ лæууы, уыдон». Профилон ведомствæйы хъусынгæнинагмæ гæсгæ ма республикæйы райдыдта деспансеризаци. Мадзал цæуы цалдæр афæдзы дæргъы. Республикæйы цæрджытæн сæ бон у медицинон æркаст лæвар ацæуын, дохтырты консультацитæ райсын. Специалисттæ куыд зæгъынц, афтæмæй диспансеризацийы рæстæг низтæ афойнадыл базонынц æмæ сæ æвæстиатæй сдзæбæх кæнынц.Уæлдай æргом здахынц онкологон низиæ афоныл рабæрæг кæныныл. Цæгат Ирыстоны æнæниздзинад хъахъхъæнынады министры хæдивæг Цыдаты Татьянæ: «Цæмæй онкологон низтæй хъыгдард адæмы нымæц къаддæр кæна, уый тыххæй саразæм скриннинг. Æркæсæм сылгоймæгтæм. Бацархайæм цæмæй сæм цы низтæ ис, уыдон афоныл рабæрæг кæнæм. Уæ се сдзæбæх кæнын дзæвгар æнцондæр вæййы. Стæй чи амæлы, уыдон дæр къаддæр кæнынц. Ацы методикæтæ аслам не сты, фæлæ хæрдзтæ паддзахад йæхимæ райсы æнæ сæ æнæ спайдагæнгæ нæй». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv