Бæрæгбоны арфæтæ

Дзæуджыхъæуы Национ музейы абон уыд кадджын мадзал. Битарты Вячеслав паддзахадон хæрзиуджытæй схорзæхджын кодта нæ республикæйы федералон æмæ муниципалон дзыллон хабархæссæг фæрæзты кусджыты. Мадзалы ма архайдтой нæ республикæйы мыхуыр æмæ дзыллон коммуникациты хъуыддæгты комитеты сæрдар Фидараты Юрий æмæ хицауады сæрдары хæдивæг Азымты Иринæ. Республикæйы сæргълæууæг арфæйы ныхæстæ загъта журналисттæн Уæрæсейы мыхуыры боны фæдыл. Фæбæрæг кодта, сæ куыстæн стыр ахадындзинад кæй ис, уый. Æвæллайгæйæ ахсджиагдæр социалон фарстатæ рухсмæ рахæссынц. Битарты Вячеславы номæй 5 адæймаджы райстой республикæйы сæргълæууæджы премиты. Се 'хсæн не ` мкусæг Абайты Ольгæ дæр. Уымæй уæлдай ма журналисттæн радтой æндæр паддзахадон хæрзиуджытæ. Фæбæрæг ма кæндзыстæм, мадзал æрвылаз кæй аразынц, уый. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv