Цæгат Ирыстоны цæрджытæ архайдтой æрфарсты

Цæгат Ирыстоны национ ахастдзинæдты фарстаты фæдыл министрад цы сæрмагонд иртæстытæ сарæзта, уый бæрæггæнæнты тыххæй уый раздæр хъусын кодтам. Уæд ныхас цыд, нæ республикæйы ирон æвзагыл сыгъдæг чи дзуры, уыдоны тыххæй. Ныр фехъусын кодтой æндæр иртæстыты тыххæй. Цæгат Ирыстоны цæрджытæ рахæцыдысты, сывæллæттæ рæвдауæндæтты уыцы иу рæстæг куыд уырыссаг, афтæ ирон æвзаг дæр куыд ахуыр кæной, уыцы хъуыдыйы фарс. 90% фылдæр. Уыдонæй сæ фылдæр хъæддыхæй загътой, раст кæй у, зæгъгæ. Кæд æрфарст у, уæд нымæц - 75 æмæ рдæг проценты сты. Æдæппæтæй иртæстыты архайдтой 800 адæймаджы. Се `хсæн æппынæдзух Цæгат Ирыстоны чи цæры æмæ 18 азæй фылдæр кæуыл цæуы, уыдон. Мадзалы архайджытæм ма радтой æндæр фарст дæр. Цы ахастдзинад сæм ис, национ æууæлтæм гæсгæ чи кусы, уыцы скъолатæм. Æрфарсты архайджыты 26% ирон æвзаджы предметы хæрзхъæддзинадæн кæнынц стыр аргъ. 22 æмæ æрдæе проценты ацы фарстайæн дзуаппыл кодтой дывæр. Æвзæр хъуыдыйыл та йæ нымайынц 10% фылдæр. Цæгат Ирыстоны национ ахастдзинæдты фарстаты фæдыл министр Цуциты Аслан куыд зæгъы, афтæмæй æхсæнад йе`ргом национ скъолаты райрæзтмæ раздæхта. Æмæ уый хорз у. Ирон æвзаджы предметы хæрзхъæддзинадмæ стыр домæнтæ кæй ис - уый та национ культурæйы райрæзтыл хуыздæры рдæм фæзындзæн. Фæлæ нырма æвзагзонынады къабазы бирæ аиуварсгæнинаг хъуыддæгтæ ис, загъта Цуциты Аслан. Дарддæр дæр сыл бæстонæй кусдзысты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv