Æппæт ацы хъуыддæгты тыххæй республикæйы сæрæндæр скъоладзаутæн радзырдта Платы Альбинæ

Уарзон куысты раззагдæрты æмрæнхъ æрлæууын æмæ æнтыстджын суæвын. Æппæт ацы хъуыддæгты тыххæй республикæйы сæрæндæр скъоладзаутæн радзырдта Платы Альбинæ. Цæгат Ирыстоны хицауады сæрдары хæдивæгимæ ныхас рауад хуымæтæг æмæ гом. Бæрнон адæймагмæ лæвæрдтой алыхуызон фæрстытæ. Сæ фылдæр баст уыдысты Уæрæсейы ахуырады къабазимæ. Зæгъæм, сывæллæтты цымыдис кодта нæ регионы ног ахуырадон центртæ кæд фæзындзæн, уый. Платы Альбинæ куыд фæнысан кодта, афтæмæй ахæм уагдæттæ аразын хицауад фæнд кæны. Скъоладзаутæн ма иу ахсджиаг темæ –  скъолаты олимпиадæтæм цæттæдзинад. Æппæтуæрæсеон олимпиадæты уæлахиздзаутæ бахауынц бæстæйы раззагдæр уæлдæр ахуыргæнæндæттæм. Спикермæ та иу фарст – куыд ис бирæ куыстыл фæтых уæвæн? Платы Альбинæ дзуапп радта: «Æрмæстдæр кусгæйæ». Платы Альбинæ фæсидт фæсивæдмæ, цæмæй уæлдай æргом здахой ахуырмæ.