Нæ аэропорты рæзы

2021-æм азмæ аэропорт «Дзæуджыхъæу»-ы фæзындзæн ног терминал. Уый тыххæй фехъусын кодтой республикæйы сæргълæууæг Битарты Вячеслав æмæ компани «Новапорт Холдинг»-ы минæвæрттæ сæ фембæлды рæстæг. Битарты Вячеслав куыд бафиппайдта, афтæмæй маршруттæ фæфылдæр кæнын æмæ аэропорт рацаразын раздæр дæр кæй фæнд кодтой. Фæлæ сын ныр республикæйы разамынд кæй æххуыс кæндзæн, уымæй зæрдæ бавæрдта. Дзырдтой ма аэровокзал æмæ ног терминалы арæзтады тыххæй. Сæ руаджы нæ бæстæйы алы регионтæм бæлццæттæласæн маршруттæ фæфылдæр уыдзысты. Зæгъæм, Сочи, Ростов, Новосибирск æмæ Сургутмæ. Ныртæккæ уый у компанийы сæйраг хæс. Ног рейсытæ кæй фæзындзæн, уый фæбæрæг бæлццæтты нымæцыл дæр. 31% фæфылдæр сты. Цæмæй сын æдасæй æмæ æнцонæй тæхынæн æмбæлгæ уавæртæ уа, уый тыххæй та хъæуы дыккаг бæстыхай саразын. Ног терминал уыдзæн дыууæуæладзыгон. Арæзт æрцæудзæн ныр чи ис, уымæн йæ галиуварс æмæ сæ баиу кæндзысты. Арæзтады фыццаг къæпхæны куыстытæн бахъæудзæн 1 миллиард сомы. Уымæй уæлдай ма 2030-æм азмæ фæнд кæнынц аэропорты комплекс фестырдæр кæнын дæр, стæй йæ сæрмагонд техникæйæ сифтонг кæнын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv