Дзæуджыхъæуы библиотекæйы 4-æм филиалы сабитæн сарæзтой бæрæгбоны мадзал

Чиныджы нысан алкæддæр æгæрон уыд. Чиныг кæсгæйæ адæймаг ахуыр кæны уæздандзинадыл, йæ Райгуырæн бæстæмæ æмæ йæ алыварс адæммæ уарзондзинадыл. Абон у сывæллæттæн фыст чингуыты Æппæтадæмон бон. Уый фæдыл Дзæуджыхъæуы 38-æм рæвдауæндоны сабитæн сарæзтой бæрæгбон. Сæ размæ сын рахастой цымыдисаг викторинæтæ. Сывæллæтты чиныгдоны тæрхæджытæ хъæздыг уыдысты Андерсен, Киплинг, Уайльд, Чуковский æмæ бирæ номдзыд фысджыты чингуытæй. Мадзал аразджыты сæйраг нысан – сывæллæтты алыхуызон мадзæлттæй чингуытæ кæсынмæ сразæнгард кæнын. Нæ уацхæссæг Хуасдзауты Алинæ азылд чиныгдоны тæрхæджытыл. Чизоны, хæлæг дæр бакодта, ныры Интернет-дуджы ма сывæллæттæй гæххæттын чиныг йæ къухмæ чи райсы, уыдонмæ. Дæттæм ын ныхасы бар. Дзæуджыхъæуы 38-æм рæвдауæндоны сабитæн абон сарæзтой бæрæгбон. Сæ размæ сын рахастой цымыдисаг викторинæтæ. Се `ппæт дæр тынг зæрдæргъæвдæй дзуаппытæ лæвæрдтой сæ уарзондæр аргъæутты тыххæй фæрстытæн. Уый уыд сывæллæтты чиныджы бæрæгбоны мадзæлттæй иу. Йæ саразджытæ ма сын радзырдтой бæрæгбоны историйы тыххæй дæр. Ацы сабитæн сæ гыццылмæ ма кæсут! Чингуытыл тынг зæрдæргъæвд сты, кæсын сæ тынг уарзынц. Цавæртæ уæ зæрдæмæ тынгдæр цæуынц, зæгъгæ, сæ куы бафæрсай, уæд сæ алчидæр уайтагъд дзуапп ратдзæн. Фылдæр адæм афтæ хъуыды кæнынц æмæ фæстаг рæстæг раздæримæ абаргæйæ сывæллæттæ уыйбæрц нал кæсынц. Фæлæ нын чиныгдоны кусджытæ куыд загътой, афтæмæй се `взонг кæсджытæ сты 1400 адæймаджы. Ацы тæрхæджытыл сты сабиты уарзондæр авторты чингуытæ: се хсæн Андерсен, Киплинг,Уайльд, Чуковский ама бирæ номдзыд фысджытæ. Уымай æхсызгондар ма цы уыдзан сабийан ахам аив чиныг байгом канынай ама аргъаутты дунейы аныгъуылынай. Афтæ `нхъæл мачи уæд, æмæ сывæллæттæ æрмæстдæр аргъæуттæ кæсынц. Уыдонæй уæлдай ма сывæллæттæ арæх сæ къухтæм райсынц алыхуызон тематикон журналтæ дæр. Чиныгдоны алчидæр ссардзæн йæхи аккаг чингуытæ, кæнæ журналтæ. Фæлæ, хъыгагæн, сæ нымæц фæфылдæр кæныны фадат алкæд нæ вæййы. Арæх сын алыхуызон чингуытæ балæвар кæнынц сæ кæсджытæ. Сывæллон чиныджы сыфтæ куы рафæлдахы, уæд ыл уырдыгæй раивылы зонды суадон. Уыцы хорзæхæй хъуамæ рæзгæ фæлтæр цух ма уой. Рæстæг ивы, уый алчидæр æмбары. Фæлæ хорздзинадыл йæ къух чи сисы, уый йæ ауигъы йæ фидæныл. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv