«Память сильнее времени», зæгъгæ, Æппæтуæрæсеон конкурсы архайдтой Дзæуджыхъæуы скъоладзаутæ

Хæсты цаутæ сæ бинонтыл куыд фæзындысты, уый тыххæй радзырдтой Дзæуджыхъæуы скъоладзаутæ. Сывæллæттæ архайдтой «Память сильнее времени», зæгъгæ, æппæтуæрæсеон конкурсы. Нывæцæнтæ снысан кодтой, Афганистанæй æфсæддонтæ куы рахуыдтой, уый 31-азы æмæ Фыдыбæстæйы стыр хæсты 75 азы бонмæ. Мадзал сарæзтой «Боевое братство», зæгъгæ, ветеранты æппæтуæрæсеон организацийы хъæппæрисæй. Конкурсы архайджыты сæ кармæ гæсгæ адих кодтой 3 къордыл. Æдæппæтæй нывæцæн ныффыстой 300 адæймаджы. Мадзалы фæлгæты ма фæсивæдæн равдыстой Уæлахизы бонимæ баст спектакльты скъуыддзæгтæ. Æрымысыдысты æфсæддон æмдзæвгæтæ æмæ зарджытæ. Кадджын уавæры схорзæхджын кодтой куыд конкурсы уæлахиздзауты, афтæ архайджыты дæр. Дзугутова Светлана Анатольевна, временно исполняющий обязанности директора МБОУ СОШ №3: «Ныртæккæйы скъоладзаутæ хæсты цаутæ хорз нæ зонынц. 75 азы рацыд. Кæй зæгъын æй хъæуы, æндæр хъайтартæ сын ис. Ног зонындзинæдтæ. Хистæр кары адæм цы цаутимæ зонгæ сты, цы зын æмæ уæззау уаргъ сыл æвæрд уыдис, уыдон нæ зонынц. Уымæ гæсгæ арæзт цæуынц ахæм мадзæлттæ. Уыдон хæсты цауты тыххæй æрмæг агурынц чингуыты, фæрсынц сæ хистæрты, цæмæй йæ базоной, цавæр зын замантæ баййæфта Цæгат Кавказ, Дзæуджыхъæу æмæ æгас бæстæ, уый тыххæй. Афтæмæй парахат кæны патриотон хъомылад». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv