РЦИ-Аланийы паддзахадон автоинспектортæ сарæзтой рейд

Цæгат Ирыстоны Паддзахадон автоинспекцийы кусджытæ республикæйы фæндæгтыл сарæзтой рейд. Йæ сæйраг нысан - фыдбылызты нымæц фæкъаддæр кæнын, кæрæдзийы ныхмæ фæндагыл чи рагæпп кæны, уыдоны рохтыл æрхæцын. Арæх шофыртæ кæрæдзийæн фæндаг кæй нæ раттынц, уый тыххæй бахауынц фæндаггон фыдбылызы. Цæгат Ирыстоны паддзахадон автоинспекцийы кусджытæ шофыртæн æмбарын кодтой, змæлды домæнтæ куыд æххæст кæнын хъæуы, уый. Уымæй уæлдай ма сын радзырдтой, закъонхалджыты административон æгъдауæй кæй æфхæрдзысты. Фæндаггон фæтк фыццаг хатт чи фæкъахыр кæна, уыцы шофырты ивар кæндзысты 5 мин сомæй, кæнæ та сын хæдтулгæ скъæрынæн бардæттæг гæххæттытæ байсдзысты афæдзы `рдæгмæ. Инспектортæ куыд бафиппайдтой, афтæмæй ацы хъуыддагмæ уæлдай æргом здахынц. Уымæн æмæ фæндагыл йæ ныхмæ цæуæджы размæ чи рагæпп кæны, арæхдæр уыцы шофырты тыххæй æрцæуынц уæззау фыдбылызтæ. Хуадонты айвар, РЦИ-Аланийы паддзахадон автоинспекцийы управленийы разамонæг: «Фæндаггон фæткы домæнтæ æнæмæнг хъæуы æххæст кæнын. Куыдфæндыйы цæстæй сæм чи кæсы, уыдоны аххосæй арæх æрцæуынц фæндаггон фыдбылызтæ. Уымæ гæсгæ ма иу хатт сидын республикæйы цæрджытæм. Фæндагыл цæугæйæ, уæхи хъахъхъæнут. Æдасдзинады домæнтæ æххæст кæнут. Кæрæдзийæн фæндаг дæттут. Уæд æнæмæнг бахъахъхъæндзысты сæхи æмæ сæ бинонты». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv