Беслæны байгом кодтой 2 спортивон фæзы

Беслæны цæрæн хæдзæртты кæртыты спортивон фæзуæттæ фесты 2 фылдæр. Абон сæ байгом кодтой. Алы ран дæр дзы сарæзтой фæйнæ 12 алыхуызон тренажерты. Зæгъæм, уæнгты тых фылдæр кæнынæн дзы ис турниктæ æмæ æндæр ахæм гæрзтæ. Фæзтæ байгом кæныныл бакуыстой фæллой æмæ социалон рæзты министрады уæнгтæ. Куыстытæ конд æрцыдысты сæрмагонд проекты фæлгæты. Сывæллæттæм фæкæсыны фонд сын гранты хуызы радих кодта 600 мин сомы. Районы комплексон центры кусджытæ уыцы фæрæзты руаджы сфæнд кодтой иу фæзы бæсты дыууæ саразын. Аразджыты ныхæстæм гæсгæ, дарддæр дæр ма сыл бафтаудзысты, кæд ма сæм æхцайæ исты `рбахауа, уæд. Абоны фæзтæ кæй хæдзæртты кæртыты сарæзтой, уыдонмæ суанг сыхаг бæстыхæйтты цæрджытæ дæр бахæлæг кодтой _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv