Уæрæсейы Федерацийы уæнгтæ бабæрæг кодтой æфсæддон историон музей «Барбашовы фæз»

Федерацийы Советы уæнгтæ бабæрæг кодтой Барбашовы фæз. Мемориалон комплекс сенатортæ федтой спортивон мадзалы фæлгæты. Цæгат Ирыстонмæ уазджытæ ссыдысты æппæтадæмон турнир уæгъдибар хъæбысхæстæй «Аланы-2019» хи цæстæй фенынмæ. Бæрнон кусджытæ федтой гом арвы бын æфсæддон-историон музей «Барбашовы фæз». Æркастысты, Берлины Уæлахизы парады чи архайдта, уыцы танк ИС-3-мæ. Равдыстой ма сын Советон Цæдисы Хъæбатырты Аллей. Уазджытæ æрæмысыдысты, Цæгат Ирыстоны цæрджытæй хæсты быдырты йæ туг чи фæкалдта, уыдоны нæмттæ. Мемориалон комплексмæ чи æрбацыд, уыдоны ’хсæн уыдысты Федерацийы Советы уæнг Фадзайты Арсен, Цæгат Ирыстоны Мидхъуыддæгты министрады экс-министр Сергей Аренин æмæ Уæрæсейы спортивон хъæбысхæсты федерацийы разамонæг Михаил Мамиашвили. Сенатортæ федтой Цæгат Ирыстонæй рацæуæг, Советон Цæдисы 79 хъæбатыры къамтæ. Уазджыты дисы бафтыдта Фыдыбæстæйы Стыр хæсты цаутыл дзурæг фотоэкспозици. Бафтаудзыстæм ма уый, æмæ хæсты историйы мемориалон комплекс “Барбашовы фæз” байгом кодтой 2018 азы Уæлахизы боны кадæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv