Дзырд радтай, уæд æй хъæуы сæххæст кæнын

Дзырд радтай, уæд æй хъæуы сæххæст кæнын. Поселок Южныйы кæронмæ фæхæццæ кæны тарниз дзæбæхгæнæн диспансеры арæзтады фыццаг хай. Стыр бæстыхай аразынц ногæй: зæронд къултæ нал бæззынц æмæ заууатмæ æрцыдысты. Дзæбæхгæнæндон куы сцæттæ уа, уæд дзы бынат разындзæн æртæсæдæ рынчынæн. Дохтыртæн дзы фадат уыдзæн бонмæ дыууæсæдæ фæндзай адæймаджы æнæниздзинады уавæр сбæрæг кæнынæн. Тарнизæй рынчынтæ нæ республикæйы чысыл не сты æмæ ахæм бæстыхайы арæзтад ахсджиаг уымæн у. Нæ республикæйы сæргълæууæг бацархайдта, цæмæй проект хаст æрцæуа федералон программæмæ. Куыстыты фыццаг хай хъуамæ фæуа афæдзы кæронмæ. Уæдмæ йыл бахардз кæндзысты фондзсæдæ милуан сомы. Балхæдтой уал ног кусæнгæрзтæ. Пъланмæ гæсгæ, дзæбæхгæнæндон байгом уыдзæн дыууæ мин нудæсæм азы 1-æм январы._ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv