Цæгат Ирыстоны цæуынц равдыст-форум "Россия"-мæ цæттæгæнæн мадзæлттæ
Къуырийæ фылдæр ма баззад, æмбал кæмæн нæй, уыцы цаумæ. 4-æм ноябры Мæскуыйы байгом уыдзæн равдыст форум "Уæрæсе". Фæстаг 9 азы æнтыстдзинæдтыл, фидæнмæ хӕстӕ ӕмӕ нысæнттыл дзурдзысты нæ бæстæйы æппæт 89 регионы минæвæрттæ. Цæгат Ирыстоны стенд фенæн уыдзæн ВДНХ-йы 75-æм павильоны. Уым 13 мерты экраныл равдисдзысты презентацион ролик. Дзырдæн, æрмæг исынц ныртæккæ нæ республикæйы. Алы кадр дæр æвдисы Ирыстоны хæзнатæ, зæгъæм, рагон ирон кафт симд. Адæмты иудзинады бон 104 квадратон метрыл байгом уыдзæн интерактивон фæзуат. Ам уазджытæ Сатанаимæ скæнындзысты ирон чъиритæ. Виртуалон дунейы уыдзæн сæгъ æрдуцæн æмæ йе 'хсырæй ирон цыхт скæнæн, кæнæ та куыройы хор æрæссæн. Иннæ - компьютерон хъазты сюжет та бирæ зындæр у. Ам бахъæудзæн тох кæнын. Нарты кадджыты хъайтарты та сныв кæнæн уызæн Дзанайты Азанбег æмæ Тугъанты Махарбеджы иллюстрацитæм гæсгæ. Сфæлдыстадон программæты режиссер Абайты Евгенийы ныхæстæм гæсгæ, фæзуат цалдæр тематикон хайыл адих кæндзысты: спорт, туризм, культурæ, ахуырад, наукæ. Равдыст-форум бабæрæг кæнæн уыдзæн 12 апрелы онг.
Къуырийæ фылдæр ма баззад, æмбал кæмæн нæй, уыцы цаумæ. 4-æм ноябры Мæскуыйы байгом уыдзæн равдыст форум "Уæрæсе". Фæстаг 9 азы æнтыстдзинæдтыл, фидæнмæ хӕстӕ ӕмӕ нысæнттыл дзурдзысты нæ бæстæйы æппæт 89 регионы минæвæрттæ. Цæгат Ирыстоны стенд фенæн уыдзæн ВДНХ-йы 75-æм павильоны. Уым 13 мерты экраныл равдисдзысты презентацион ролик. Дзырдæн, æрмæг исынц ныртæккæ нæ республикæйы. Алы кадр дæр æвдисы Ирыстоны хæзнатæ, зæгъæм, рагон ирон кафт симд. Адæмты иудзинады бон 104 квадратон метрыл байгом уыдзæн интерактивон фæзуат. Ам уазджытæ Сатанаимæ скæнындзысты ирон чъиритæ. Виртуалон дунейы уыдзæн сæгъ æрдуцæн æмæ йе 'хсырæй ирон цыхт скæнæн, кæнæ та куыройы хор æрæссæн. Иннæ - компьютерон хъазты сюжет та бирæ зындæр у. Ам бахъæудзæн тох кæнын. Нарты кадджыты хъайтарты та сныв кæнæн уызæн Дзанайты Азанбег æмæ Тугъанты Махарбеджы иллюстрацитæм гæсгæ. Сфæлдыстадон программæты режиссер Абайты Евгенийы ныхæстæм гæсгæ, фæзуат цалдæр тематикон хайыл адих кæндзысты: спорт, туризм, культурæ, ахуырад, наукæ. Равдыст-форум бабæрæг кæнæн уыдзæн 12 апрелы онг.