ОНФ-ы регио налон штабы уæнгтæ сбæрæг кодтой Дзæуджыхъæуы хъазæн æмæ спортивон фæзты уавæр
Акци «Безопасный двор»-ы фæлгæты æппæтуæрæсеон адæмон фронты уæнгтæ сбæрæг кодтой бæстæйы 85 регионы хъазæн фæзы. Сæ 33 проценты нымад сты, сывæллæттæн тæссаг æмæ, æдасдзинады домæнтæн дзуапп чи нæ дæтты, ахӕмтыл. Регионалон штабы эксперттимæ рейды ацыдис не сфæлдыстадон къорд дæр. Йæ хатдзæгты тыххæй нæ дарддæры æрмæджы. Арæхдæр сывæллæттæ хъазæн фæзы хъыгдæрд баййафынц, бынат æдасдзинады домæнтæн дзуапп кæй нæ дæтты, уый аххосæй. Техникон угæвæрдмæ гæсгæ хъеллаугæнæн хъуамæ ауыгъд уа бæндæн кæнæ рæхысыл. Хауынæй тæссаг цæмæй ма уа, уымæн хъуамæ хъазæн бынæттæ ифтонггонд уой æнцойгæнæнтæй. Хъесаты Астаны номыл уынджы хъазæн фæз уыцы домæнтæн дзуапп нæ дæтты. Хъеллаугæнæнтæ сты саст. Карусельты зæгæлтæ дæр æдас не сты сабитæн. Уавæр хуыздæртæй нæу Иристонская уынджы дæр. Зынтӕй схонӕн ис ацы бынат стадион. Ныййарджытæ тæрсынц сæ сабитæн. Хæстæг сæ нæ уадзынц кусæнгæрзтæм. Цы минут æрхаудзысты, уый бӕрӕг нæй. Къостайы номыл проспектыл хъазæн фæзмæ кæсгæйæ зæрдæ ныккæрзы. Ахæм футболон дуæрттимæ спортæй архайын зын у, сабиты ныхæстæм гæсгæ. Дзусы фырты ӕмӕ Гугкайы фырты, Леоновы номыл уынгтӕ, стӕй Владикавказская уынджы хъазæн фæзтæ дæр сты зæрдæхсаинаг уавæры. Æппæтуæрæсеон адæмон фронты регионалон штабы куыд зæгъынц, афтæмæй æххæстæй базилинаг у бынæтты хъыгд. Фарста райхалинаг у Уæрæсейы æппæт регионты дæр. Рейдты хатдзæгтæм гæгæ, бæстæйы фæзты æртыккаг хай нымад сты сывæллæттæн тæссагтыл. Тæссаг херыгæнæнтæ æмæ хъазæн кусæнгæзртæм хъуамæ сæ цæст дарой коммуналон службæтæ æмæ бынæттон хицауад. Куыд рабӕрӕг вӕййы, афтæмæй та сæм зилынц сабиты ныййарджытæ æмæ хъуыддагмæ куыдфæндыйы цæстæй чи нæ кæсы, уыдон. Хъазæн фæзты æдасдзинады фарста у ӕвӕстиатӕй райхалинаг. Уымӕн ис хос. Кæртыты фæзтæм сфидар кæндзысты инструкторты. Уыдон сæ хъус дардзысты сывæллæтты æдасдзинадмæ, уыимæ ма сын сæ спортивон рæзтыл кусдзысты. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv