Байкалмæ туристты нымæц фæкъаддæр кæндзысты

Туристтæн Байкалы цад бабæрæг кæныны фадæттæ, гæнæн ис, æмæ фæкъуындæгдæр уыдзысты, бырон дзы кæй ныууадзынц, уымæ гæсгæ. Уый тыххæй хъусын кæны президенты сæрмагонд минæвар экологи æмæ транспорты хъуыддæгты фæдыл Сергей Иванов. Куыд зæгъы, афтæмæй Байкалы уавæр фæстаг рæстæг йæ хуыздæртæй нæу. Милуангай туристтæ йæм цæуынц, се 'хсæн хъæддæгтæ кæй хонынц, ахæмтæ дæр. Уыдоны аххосæй цады алыварс фенæн ис хауæддзæгты тоннæтæ. Сергей Ивановы хъуыдымæ гæсгæ, туристты бæрц хъæудзæн æнæмæнг фæкъаддæр кæнын. Фæлæ кæд, уый нæ фæбæрæг кодта. Йæ ныхæстæм гæсгæ дзы уавæр уыдзæн æрдзы иннæ бынæтты хуызæн, хъахъхъæнгæ кæй кæнынц, уыдонау. Раздæр куыд рабæрæг, афтæмæй Байкалмæ йæ сæйраг фæрсагдоны уылты 9 азмæ бахауд 15 мин тоннæйы знаггадхæссæг буаргъæдтæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv