Цæгат Кавказы суворовон училищæ

Авдæны бонтæй фæстæмæ сабиты ам ахуыр кæнынц хъæбатыр уæвыныл. Фыдыбæстæ хæрзчысыл хъахъхъæнджытæ афæдзæй-афæдзмæ фылдæрæй-фылдæр кæнынц. Ам зындзинæдтæй нæ тæрсынц, æрыгон æфсæддонтæй аразынц фидæны хъайтарты. Нæ уацхæссæг бабæрæг кодта суворовон училищæ. Йæхи цæстæй федта, лæппутæй лæгтæ куыд аразынц, уый. Кæд асæй гыццыл сты, уæддæр ныридæгæн дæр Суворовон училищæйы тæрхæджыты уæндон къахдзæфтæ кæнынц. Цæуынц стыр ныфсимæ. Уымæн æмæ сæрбæрзонд сты Цæгат Кавказы зæронддæр ахуыргæнæндоны кæй ахуыр кæнынц, уымæй. Фидар традицитæ дзы кæй ис. уый та алцæмæй дæр бæрæг у. Сæйрагдæр уый у æмæ ам канд фидæны афицерты нæ ахуыр кæнынц, фæлæ ма хъомыл кæнынц фидар нæлгоймæгты. Алы кары курсантты алы бон дæр райдайы райсомы 7 сахатыл. Уæд сын, æнæмæнг вæййы зарядкæ, сæ хуыссæнтæ æмæ агъуыстытæ бафснайынц. Ацы хъуыддаджы сын ничи баххуыс кæндзæн. Æмæ стырæй-чысылæй суворовонтæ æххæст кæнынц æппæт домæнтæ. Боны фæтк, раст цыма æфсады сты, ахæм у. Исчи зæгъдзæн æмæ кæстæр кары сывæллæттæн карз сты. Фæлæ ахуыргæнджыты уырны - кæд райдианты зын у, уæд фæстæдæр та бирæ æнцондæр уыдзæн. Уый нæ. фæлæ ма ахæм ахуырты фæстæ лæппутæм фæзынынц æцæг нæлгоймаджы миниуджытæ. Æмæ кæд фыццагкурсонтæ хатгай схынцъымтæ кæнынц. уæд хистæркурсонтæ та æмбарынц ахуырты ахадындзинад æмæ сæ ахуыргæнджытæн зæгъынц - бузныг. Æппæтæй кæстæр суворовонтыл цæуы 10-11 азы. Се мгæрттæ нырма уынгты фыдуаг митæ фæкæнынц. Фæлæ ам уый кæнæн нæй. Училищæйы курсанттæ йалчидæр зоны йæ хæс, цы, куыд æмæ цафон хъуамæ бакæна, уый. Хæцæнгарз куы райсынц, уæд кæд сывæллæттæ сты, уæддæр сæхæдæг дæр аивынц. Фæзыны сæ цавæрдæр лæгдзинад æмæ хъару. Тауытты Руслан, Цæгат Кавказы суворовон училищæйы хицау: «Нæ училищæйæ лæппутæ рацæуынц æцæг лæгтæй. Æнæмæнг хъуамæ уой ахуыргонд, фидар, хъæддых æмæ разæнгард сæ дæсныйады. Стырдæр бæллиц та - фыдыбæстæ хахъхъæнæнджы ном хæссын æмæ афицеры пъагæттæ скæнын». Ацы ахуыргæнæндоны хъысмæт хуымæтæг нæу. Иу æмæ дыууæ хатты йæ дуæрттæ æхгæд не рцыдысты. Ныртæккæ дзы ахуыр кæны 230 адæймаджы. Хицауад куыд зæгъынц, афтæмæй æфсæддон ахуырад парахат кæны. Иу бынатмæ дзы 8-æй æрбацæуынц. Ныртæккæ та æнхъæлмæ кæсынц ног бæстыхаймæ. Цæрæн бынæттæ фæфылдæр уыдзысты дыууæ хатты. Уый та ууыл дзурæг у æмæ дыууæ хатты фылдæр фæсивæдæн уыдзæн фадат рæсугъд офицеры уæлæдарæс æмæ пъагæттæ скæнынæн. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv