Бирæфатерон хæдзæртты бындурон цалцæггæнæн программæ

Республикæйы хицауады æмбырды ныхас кодтой бирæфатерон хæдзæртты бындурон цалцæггæнæн программæйыл. Йæ сног кæныныл бакусынц æрвылаз. Ацы аз ногæй фидаргонд æрцыд, нæ бæстæйы цæрæнуæтты кодексы бындурмæ гæсгæ. Йæ бакусыны рæстæг программæмæ бахæссынц ног амад бæстыхæйттæ æмæ хæдзæртты тыххæй æппæт информаци. Афтæмæй, 2038 азмæ цы программæ ис, уый хыгъдмæ бахастой 129 ног амад объекты. Программæйæ ма айстой 13 хæдзары, уыдон банымадтой кæлæццæгтыл: хъæуы сæ кæнæ ахафын, кæнæ рацаразын. Программæйæ ма айстой 40 хæдзары, 5 фатерæй къаддæр кæм ис, ахæмтæ. «Ног прораммæйы ныр ис 2 мин 583 бирæфатерон хæдзары, 262 мин адæймаджы кæм цæрынц, ахæмтæ. Сæ иумæйаг фæзуат 7 милуан æмæ 767 мин квадратон метры»- зæгъы нæ республикæйы цæрæнуæтты-коммуналон артаг æмæ энергетикæйы министр Тамайты Майран. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv