Цæгат Ирыстоны паддзахадон автоинспекцийы кусджытæ аразынц профилактикон мадзал

Пъæлицæйæгтæ республикæйы цæрджыты хæдтулгæтæ бæрæг кæныныц уынæрбарæнæй. 21-æй 31-æм августмæ Цæгат Ирыстоны паддзахадон автоинспекцийы кусджытæ аразынц профилактикон мадзал. Йæ сæйраг нысан - хæдтулгæты уынæры æмбæлгæ æмвæзад сбæрæг кæнын. Пъланмæ гæсгæ хъуамæ уа 96 децибелы. Бæрзонд уынæримæ цы хæдтулгæтæ æмæ мотоциклтæ кусынц, уыдон арæх фенæн ис республикæйы фæндæгтыл. Сæ хицæуттæ хæдтулгæтæн барæй аивынц сæ системæ, цæмæй тыхджындæрæй кусой. Уыимæ, сæ алфамбылай цы фæстиуджытæ расайынц, ууыл нæ фæхъуыды кæнынц. Домæнтæн дзуапп цы хæдтулгæтæ нæ дæдтой, уыдоны шофырты æфхæрдзысты административон хуызы. Уыимæ ма хæдтулгæйы мынæггæнæг техникон домæнтæн дзуапп куы нæ дæтта, уæд уыдоны шофырты дæр ивар кæндзысты. Паддзахадон автоинспекцийы кусджытæ сидынц цæрджытæм, цæмæй фæндаггон фæткы домæнтæ æххæст кæной. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv