Хуссар Ирыстон æмæ Гуырдзыстоны `хсæн арæн уыдзæн æхгæд

Райдайдзыстæм хабæрттæй Хуссар Ирыстонæй. Уым Гуырдзыстоны ‘хсæн арæн 4 боны уыдзæн æхгæд. Баст у Республикæйы Бон бæрæг кæныны мадзæлттимæ. Хабары тыххæй хъусын кæнынц Хуссар Ирыстоны паддзахадон æдасдзинады комитетæй. Гуырдзыстонмæ ахизæн арæн æхгæд æрцæудзæн 18 сентябры, изæры 8 сахатыл. Фæстæмæ йæ байгом кæндзысты 22-æм сентябры райсомы 6 сахатыл. Республикæйы боны кадджын мадзæлттæ Хуссар Ирыстоны ацæудзысты 20-æм сентябры. Бæрæгбоны фæдыл Цхинвалы цæудзæн æфсæддон парад, уыдзæн дзы стыр концерт. Сæрмагондæй арæн æхгæд æрцæудзæн уадзæн пункт «Переу»-ы . Уæ зæрдыл уын æрлæууын кæндзыстæм, Гуырдзыстонимæ арæн «Раздахан» æмæ «Синагур»-ы уадзæн пунктты кæй сæхгæдтой, уый. Баст уыд сабырдзинады æмæ æдасдзинады домæнтæ Гуырдзыстоны ’рдыгæй хæлд кæй `рцыдысты, уыимæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv