Тæссаг у æви нæ?

Архонкæйы цæрджытæ катай кнынц. Хъæуы бавнæлдтой ног чырæбастдзинады мæсыг амайынмæ бавнæлдтой. Радиацион бæрæггæнæнтæ адæймагæн пайда кæй не сты, уый бирæтæ зонынц. Уæдæ бынæттон цæрджытæ дæр тæрсынц се нæниздзинадæн. Адæмы фарсмæ рбалæууыдысты хъæуы администрацийы кусджытæ. Ныр иумæйагæй архайынц фарста алыг кæныныл. Ацы хабармæ лæмбынæг аркастис не`сфæлдыстадон къорд дæр. Архонкæйы цæрджытæ куыд зæгъынц,афтæмæй чырæ бастдзинад сæм æвзæр нæ кусы. Кæд йемæ баст лыггæнинаг фарстатæ ис, уæддæр сæ уыдон тынг нæ тыхсын кæнынц. Фылдæр сæ сагъæсы æфтауы рæхджы сæм чырæ бастдзинады мæсыг кæй фæзындзæн, уый. Алыхуызон æрмæджытæй базыдтой, зæгъгæ радиаци парахат кæны. Уый та зиан кæй хæссы, уый сын æнæзонгæ нæу. Æмæ тыхсынц се`нæниздзинадыл. Уæвгæ, Архонкæйы ныридæгæн райдыдтой чырæ бастдзинады мæсыг фидар кæнын. Кæм лæуудзæн, уыцы бынатмæ æмбæлгæ æрмæг æрбаластой.Цæрджыты ныхæстæм гæсгæ Архонкæйы ахæм мæсгуытæ иу æмæ дыууæ не сты, фæлæ - цыппар. Фæндзæймаг та сæвæрдзысты кæддæр колхозы æрмадз кæм уыд, уым. Цæрджытæ катайы бацыдысты.Тыхсын сæ кæны сæхи æмæ хъæбулты æнæниздзинад. Уый та уый тыххæй æмæ фæндзæм мæсыг уыдзæн сывæллæтты рæвдауæндоны тæккæ цур. Уымæй уæлдай-ма скъола æмæ рынчындон дæр æм тынг хæстæг сты. Цæрджыты -ма тыхсын кæны иу фарста. Аразджытæн чи радта мæсыг æвæрыны бар?Уымæн æмæ нæдæр цæрджытæ ницы зыдтой, нæдæр хъæуы администраци. Ныридæгæн иууылдæр æнхъæлмæ кæсынц дзуаппмæ. Администрацийæн сæ бон ницы у, ома Архонкæйы фæндзæм мæсыг фæзына, уый ма бауадзын сæ бон нæу. Уый та уый тыххæй æмæ мæсыг хъуамæ фæзына кæйдæр хи исбон чи ис, уыцы фæзуаты.Уыцы зæххы хицау та фарстайæн дзуапп раттыныл не`сразы ис.Æрмæст санитарон-эпидемиологон экспертизæйы хатдзæг равдыста. Мæсыг скусыны размæ ма арæзт æрцæудзæн ноджы иу экспертизæ. Кæд æмæ радиацион бæрæггæнæнтæ тæссаг уой æмæ дзы аиппытæ рабæрæг уа, уæд йæ хицæуттæн йæ сæвæврыны бар нæ ратдзысты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv