Зæрдæбын курдиат

Ольгинскæйы адæмон театр абон бахъахъхъæдта йæ ном. Актертæ сæрмагонд къамисæн бацæттæ кодтой Айларты Асæхмæты пьесæмæ гæсгæ `вæрд спектакль «Ханты цагъд». Сæйраг ролтæ дзы ахъазыдысты Кочысаты Сослан, Алыккаты Ларисæ, Дзулаты Зæлинæ æмæ Мамыхъаты Фатимæ. Спектакль рауад цымыдисаг. Бакæсынмæ йæм æрбацыдысыты 100 адæймагæй фылдæр. Се `ппæтæн дæр сæ зæрдæмæ фæцыд - æнæрынцойæ æмдзæгъд кодтой. Худгæ дæр сыл фæкодтой. Равдыст бацæттæ кодта Цæцæны Республикæйы сгуыхт артисткæ, режиссер Бæцæзаты Индирæ. Йæ ныхæстæм гæсгæ, кæд спекталь комедийы хуызы æвдыст цæуы, уæддæр дзы стыр философон хъуыды ис. Профессионалон æркаст сæххæст кодтой къамисы уæнгтæ. Уæлдай цæст дардтой актерты хъазтмæ æмæ арæхстдзинадмæ, сценæйы фæлыстмæ æмæ театрмæ æрбацæуджыты цæстæнгасмæ. Спектаклæй разыйæ баззадысты. Къамисы сæрдар Цæриаты Валерий куыд загъта, афтæмæй курдиатджын актертæ стыр куыст бакодтой. Цымыдисаг у, хæдахуыр кæй сты, уый. Аивадуарзджыты æмæ къамисы уæнгты зæрдæмæ фæцæуынмæ кæй тырнынц, уый дæр сæ курдиатыл дзурæг у. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv