Ныр та - хæдзармæ

Цæгат Ирыстоны æххуысцух бинонтæ ифтонггонд цæуынц æхсыры хойрагæй. Программæ æххæст кæнынц Дзæуджыхъæуы æмæ республикæйы районты дæр. Уыцы хъæппæрис бирæ мадæлты къух сарæзта, сæ уаргъ сын паддзахад иучысыл йæхи `вджид бакодта, уымæй. Гуылæрты Валентинæ у 3 сывæллоны мад. Кæстæрыл цæуы 3 азы. Сылгоймаджы ныхæстæм гæсгæ, йæ бинонты дары æхсырджын хойрæгтæй. Фыццаг рæстæг æй æлхæдта йæхæдæг, кæнæ та-иу æй райста рынчындоны сывæллæтты хайадæй. Фæлæ йын афæдзы бæрц сывæллæтты хæринаг ныр ласынц йæ хæдзармæ. Нæ республикæйы хицауады хъæппæрисæй программæ кусын райдыдта афæдзы размæ. Уыцы æмгъуыдмæ районтæн æрластой 15 мин къоппы бæрц хæринаг. Алы мæй сæ нымæц фылдæрæй-фылдæр кæны .Нысангонд сты æххуысцух бинонтæн. Абоны онг æхсырджын хæринæгтæй ифтонг кæнынц Дигора, Кировы æмæ Горæтгæрон районты рынчындæттæ. Æрæфы районы дæр нæй сывæллæттæн æхсыры хойраг цæттæгæнæн куыстуат. Фæлæ дзы алы цыбыркъух бинонтæм фæкæсынæн мадзæлттæ агурынц. 169 сывæллоны уал сæ хæлцад райстой. Дæттынц сын сæ æрвылмæй. Ацы хъуыддаг фылдæр мадæлты пайдайæн у. Сæ хæрдзтæ фæкъаддæр сты. Уæдæ сывæллæтты дæр æвæгæсæгæй уадзын нал хъæуы. Горæтгæрон районы æххуысцух 500 бинонтæн та æрвылбон æхсыры хойраг радтынц 20 къоппы. Сæ хъæрзхъæддзинадмæ рынчындоны уæлдай цæст дарынц. Аскер Наниты, горæтгæрон районы рынчындоны сæйраг дохтыры хæстæ рæстæгмæ æххæстгæнæг: «Цæмæй хойраг хæрзхъæд уа, уый тыххæй йын йе `ддаг æууæлтæм нæ цæст дарæм. Зæрдæхсаинагæй дзы ницыма федтам. Кæй зæгъын æй хъæуы, ис нæм хъæугæ гæххæттæ дæр». Дзæуджыхъæуы æмæ Алагиры районы сывæллæттæ дæр лæвар исынц æхсырæй конд хæринæгтæ, къæдор, æхсыр, мисын æмæ кастæ. Уымæй уæлдай ма цæттæ кæнынц уагъылыйы адджын дон. Æрыдоны амæ Мæздæджы районты сывæллæттæ исынц æхсыр. Республикæйы æнæниздзинад хъахъхъæнынады министрады специалисттæ ныфсджын сты, программæ парахат кæй кæндзæн, хæринæгтæ та - хæрзхъæддæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv