Хъæдты тæссаг у зынгсирвæзтытæ æрцæуынæй

Æрдзон зынгсирвæзтытæ стыр зиан кæй хæссынц, уымæн ныридæгæн æвдисæнтæ ис. Сыбыры ацы бонты цытæ цæуы, уый диссагæн дзуринаг сты. Сыбыры æмæ Дард Хурскæсæны, Тайгайы хъæдты æвæрæнты 3 милуан гектарæй фылдæр арты уацары бахаудысты. Иу бонмæ зынгсирвæзты фæзуатыл бафты 50 мин гектары. Уый тыххæй хъусын кæнынц Красноярскы æрдзон зынгсирвæзтыты центрæй. Ныртæккæ дзы 232 зынджы пиллон калы. Адæргъвæтин сты алы районыл дæр. Фæлæ хъуыддаг ууыл у, æмæ арт чи аххуыссын кæна, уыдон нæ фаг кæнынц. Бынатмæ рацыдысты Хакасийы æмæ Кемеровойы ирвæзынгæнджытæ, цæмæй хъæутæм ввахс цы зынгсирвæзтытæ ис æмæ адæмæн тæссаг цы ран у, уым бакусой. 50 ирвæзынгæнæнгæй фылдæр æмæ 8 техникæйы иуæджы.  Уæрæсейы Федерацийы Æнæнхъæлæджы уавæрты министрады сæргълæууæджы хæдивæг Александр Чуприяны ныхæстæм гæсгæ, зынгсирвæзт фылдæрæй фылдæр кæны. Уæлдай тæссаг дæр кæм у, уыцы ранмæ зынгхуыссынгæнджытæ бавнæлдтой, фæлæ адæмæн дзы тæссаг кæм нæу, уыдонмæ сæ къух не*ххæссы. Ома быдыртæ дарддæр судзынц. Красноярскы крайы губернатор Александр Усс куыд зæгъы, афтæмæй ацы зынгсирвæзтытимæ тох кæнын тынг зын у. Раст цыма, дам, денджызы ихын хох дæлдон кæнæм, афтæ. Фæлæ уымæй æнахъинон ныхæстæ дæр чи ракодта, ахæмтæ ис. Ацы уавæры тыххæй ныхас цæуы æгас дунейыл. Цæмæй зынгсирвæзты фæстиуджытæ аиуварс кæной, уый фарс рахæцыдысты бирæ зындгонд æхсæнадон архайджытæ. Зæгъæм, Алтайы парламенты депутат Евгения Боровикова хъæппæрис бахаста, цæмæй хъæды цы арт судзы, ууыл бомбæтæ æрыппарой. Ахæм хуызы, дам, зынгсирвæзты тыхмæ тох кæнынц фæсарæнты. Дæнцæгæн æрхаста Швейцари æмæ Китай. Йæ ныхæстæм гæсгæ, афтæ уыди Советон Цæдисы рæстæг дæр. Фæлæ уымæн дæр æхцайы фæрæзтæ кæй хъæуы - уыдон та фаг кæй нæ кæнынц - ууыл депутат сразы ис. Уый ма ницы, фæлæ Будисттæ та цæттæ сты Хуыцаумæ скувын, цæмæй къæвда рауадза. Уый тыххæй сæрмагонд хъусынгæнинаг сæхæдæг апарахат кодта Будистты аргъуаны фарсы, социалон хызты. Иу ныхасæй - чы куыд сæрæн у, афтæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv