Центр "Мой бизнес"- ы баххуыс кодтой 7 мин адæймагмæн
Центр "Мой бизнес"-ы куыст райдайы консультацион кабинеты. Хайады лæггад кæнынц фондз специалисты. Сæрмагонд амынддзинæдтæ дæттынц амалхъомады фыццаг къахдзæфтæ чи кæны, уыдонæн, стæй фæлтæрдджын адæмæн дæр. Арæхдæр æрбацæуынц æхцайы фарстатимæ баст. Специалисттæ æппæт лыстæгдзинæдтæ дæр бæстонæй бамбарын кæнынц. Фæлæ сæйрагдæр адæймаг хъуамæ йæхæдæг бæрнон цæстæй кæса йæ куыстмæ. Гæджиты Марат йæ куыст зоны хорз. Йæ бæллиц у йæхи компьютерон æрмадз байгом кæнын. Æххуысы фæдыл æрбацæуыны агъоммæ уал бацæттæ кодта æппæт лæггæдты хыгъд, фæнысан кодта йæ размæ цы хæстæ сывæрдта, уыдон. Куыд зæгъы, афтæмæй дзы бирæ фæзилæнтæ ис, уымæ гæсгæ æнæ специалистты æххуысæй æнцон нæу. Центр Цæгат Ирыстоны кусы ныр фондз азы. Куыстуаты ис æрмæст фæлтæрдджын специалисттæ. Алкæмæ дæр хицæнæй æргом здахынц. Æххуыс кæнынц хи куыст регистраци скæнын æмæ йæ дарддæр æххæст кæнынæн, кондад парахат кæнын, бизнес-проекттæ аразын æмæ бирæ æндæр хъуыддæгтæ. Æрмæст ацы азы фондз мæймæ Центры баххуыс кодтой 7 мин адæймагмæн. Бакуыстой 571 бизнес-пъланыл. Æххуысы мадзæлттæй парахатдæр ныридæгæн у — экономикон райрæзты министрады грант. 25 азы онг кæуыл цæуы, ахæм æрыгон амалхъом адæмæн сæ бон райсын у 500 мин сомы онг. Ам ма æххуыс кæнынц социалон контракт райсынæн дæр. Хи куыстуат байгом кæнынæн æмæ йæ парахат кæнынæн та ис райсæн 350 мин сомы онг. Республикæйы ныридæгæн ис чысыл æмæ астæуыккаг амалхъомады 19 субъектмæ 'ввахс. Сæ фылдæр чысыл куыстуæттæ. Фаронимæ абаргæйæ, сæ нымæц фæфылдæр. Уый национ проекты æххуысы мадзæлтты руаджы. Бæллиц сæххæст кæнын зын нæу, зæгъынц Центр "Мой бизнес"-ы. Сæйрагдæр у бæрнондзинад æмæ фæндон. Дарддæр та баххуыс кæнынмæ кæддæриддæр цæттæ сты специалисттæ.
Центр "Мой бизнес"-ы куыст райдайы консультацион кабинеты. Хайады лæггад кæнынц фондз специалисты. Сæрмагонд амынддзинæдтæ дæттынц амалхъомады фыццаг къахдзæфтæ чи кæны, уыдонæн, стæй фæлтæрдджын адæмæн дæр. Арæхдæр æрбацæуынц æхцайы фарстатимæ баст. Специалисттæ æппæт лыстæгдзинæдтæ дæр бæстонæй бамбарын кæнынц. Фæлæ сæйрагдæр адæймаг хъуамæ йæхæдæг бæрнон цæстæй кæса йæ куыстмæ. Гæджиты Марат йæ куыст зоны хорз. Йæ бæллиц у йæхи компьютерон æрмадз байгом кæнын. Æххуысы фæдыл æрбацæуыны агъоммæ уал бацæттæ кодта æппæт лæггæдты хыгъд, фæнысан кодта йæ размæ цы хæстæ сывæрдта, уыдон. Куыд зæгъы, афтæмæй дзы бирæ фæзилæнтæ ис, уымæ гæсгæ æнæ специалистты æххуысæй æнцон нæу. Центр Цæгат Ирыстоны кусы ныр фондз азы. Куыстуаты ис æрмæст фæлтæрдджын специалисттæ. Алкæмæ дæр хицæнæй æргом здахынц. Æххуыс кæнынц хи куыст регистраци скæнын æмæ йæ дарддæр æххæст кæнынæн, кондад парахат кæнын, бизнес-проекттæ аразын æмæ бирæ æндæр хъуыддæгтæ. Æрмæст ацы азы фондз мæймæ Центры баххуыс кодтой 7 мин адæймагмæн. Бакуыстой 571 бизнес-пъланыл. Æххуысы мадзæлттæй парахатдæр ныридæгæн у — экономикон райрæзты министрады грант. 25 азы онг кæуыл цæуы, ахæм æрыгон амалхъом адæмæн сæ бон райсын у 500 мин сомы онг. Ам ма æххуыс кæнынц социалон контракт райсынæн дæр. Хи куыстуат байгом кæнынæн æмæ йæ парахат кæнынæн та ис райсæн 350 мин сомы онг. Республикæйы ныридæгæн ис чысыл æмæ астæуыккаг амалхъомады 19 субъектмæ 'ввахс. Сæ фылдæр чысыл куыстуæттæ. Фаронимæ абаргæйæ, сæ нымæц фæфылдæр. Уый национ проекты æххуысы мадзæлтты руаджы. Бæллиц сæххæст кæнын зын нæу, зæгъынц Центр "Мой бизнес"-ы. Сæйрагдæр у бæрнондзинад æмæ фæндон. Дарддæр та баххуыс кæнынмæ кæддæриддæр цæттæ сты специалисттæ.