Битарты Вячеслав схорзæхджын кодта алы къабæзты кусæг сылгоймæгты

Республикæйы хъæууон æмæ цæрæнуæтты-коммуналон хæдзарæдты, æнæниздзинад хъахъхъæныны, культурæ æмæ ахуырады сгуыхт кусджытæ, Цæгат Ирыстоны сгуыхт амайæг, металлург æмæ артисткæ. Ахæм кадджын паддзахадон хæрзиуджытæ сылгоймæгтæ абон райстой республикæйы сæргълæууæг Битарты Вячеславы къухæй. Бæрæгбоны агъоммæ уый арфæ ракодта республикæйы алы къабæзты кусæг сылгоймæгтæн. Кадджын мадзал арæзт æрцыд Ирон театры. Уазджытæн дзы равдыстой бæрæгбоны концерт дæр. Архайдтой дзы республикæйы артисттæ æмæ кæфтыты ансамбльтæ. Уымæй уæлдай ма Цæгат Ирыстоны сæргълæууæг арфæйы фыстæгæй схорзæхджын кодта Фыдыбæстæйы стыр хæсты ветеран Хуыбаты Варварæйы, кады гæххæттытæ та радта алы къабæзты хуыздæр сылгоймаг-кусджытæн. Сæ фылдæр уыдысты республикæйы районтæй. Цæгат Ирыстоны сгуыхт журналисты ном та саккаг кодтой зындгонд Уæрæсейаг журналист Таболты Иринæйы, Цæгат Ирыстоны фыццаг хатт чи сарæзта информацион агентад, уый. Уый уыд бæрæгбоны изæры æппæты цымыдисагдæр цау. Ахæм хæрзиуæг нæ республикæйы радтой фыццаг хатт. Битарты Вячеславы ныхæстæм гæсгæ, Цæгат Ирыстонæн уыцы кады нысан тынг ахсджиаг у. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv