Нарты эпос - словакаг æвзагыл

Нарты Кадджытæ словакаг æвзагыл сдзырдтой. Æмбæлгæ презентаци хъæппæрисæн уыдис Национ наукон чиныгдоны. Чиныг рауагътой дыккаг хатт. Проекты автор у Эва Малиты Франева. Словакийы у зындгонд фыссæг, драматург, этнограф, фольклорист æмæ тæлмацгæнæг. Каст фæци Мæскуыйы паддзахадон университеты историон факультет. Уым базонгæ йæ цардæмбал - Ирыстонæй рацæуæг Малиты Аланимæ. Уый йæ разæнгард кодта тæлмац кæныны хъуыддагмæ. Алкæддæр ын уыд æхуысгæнæг. Чиныг Словакийы зæрдиагæй айстой. 1983 азы чиныг мыхуыры рацыд. Йæ иллюстрациты тыххæй йæ банымадтой «хуыздæр чиныгыл». Курдиатджын сылгоймаг ма ратæлмац кодта Къостайы «Ирон фæндыр» æмæ ирон прозæйы антологи «Мæсгуытæ дзурынц». Йæ зæрдыл ма лæууы, йæ хъæппæрис Абайты Васойы зæрдæ куыд барухс кодта, уый. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv