18-æм майы национ телеуынынад «Осетия-Ирыстон»-ы Сергей Меняйлойæн уыдзæн егъау пресс-конференци. Ахæм хуызы нæ республикæйы сæргълæууæг фембæлдзæн федералон æмæ республикон дзыллон-информацион фæрæзты журналисттимæ. Фембæлд арæзт æрцæудзæн æртыккаг хатт. Комкоммæ эфиры йæ фенæн уыдзæн нæ телеканалы 12 сахатыл. Уымæй уæлдай ма, пресс-конференцимæ бакæсæн æмæ байхъусæн уыдзæн республикæйы официалон портал, национ телеуынынад «Осетия-Ирыстон» æмæ паддзахадон теле-радиокомпани «Алани»-йы сайтты, стæй радио «FM Алания»-йы эфиры.