Барад хъахъхъæнгæйæ

Абон Слестгæнæн оргæнты кусджытæ бæрæг кæнынц сæ профессионалон бæрæгбон. Ацы бон баст у историкон цауимæ. 1713 азы Петр Фыццæгæмы хъæппæрисæй арæзт æрцыд слестгæнæн канцеляри. Куыд æртæ æнусы размæ, афтæ абон дæр слестгæнæджы дæсныйад у ахсджиаг. Йæ дæсныйадыл æнувыд чи у, уыдоны тыххæй нæ дарддæры æрмæг. Елеты Виталий у хистæр слестгæнæг. Кусы алы бон дæр зын уголовон хъуыддæгтæ раргом кæныныл. Карз фыдракæндтæ раргом кæнын нымайы йæ хæсыл. Куыст та хуымæтæг нæу. Бæлвырд рæстæджы фæткмæ дæр нæ кусы. Цыфæнды афон дæр, телефоны дзæнгæрæгмæ гæсгæ, слестгæнæг криминалисттимæ араст вæййынц фыдракæндтæ райхалынмæ. Арæх сæ фæрцы хъуыддаг цыбыр рæстæгмæ рабæрæг кæнынц. Радхæссæг хайадмæ исчи куы æрбадзуры, уæд уыцы-иу минут æвæстиатæй араст вæййынц бынатмæ. Уым балæууынц мидхъуыддæгты министрады кусджытæ дæр. Слестгæнæг у слестгæнæн къордæн комкоммæ разамынд чи дæтты ахæм адæймаг. слестгæнæг Бынатмæ куы æрбацæуы уæд æркæсы уавæрмæ. Цыфæнды хъуыддаджы дæр алы дзаума æмæ алы лыстæг хай дæр вазыгджын сты . ... Фыццаджы уал сæ сæвæрынц гæххæтæй къонвертты æмæ сæ фæхæццæ кæнынц лабораторимæ. Криминалистикæйы хайады разамонæг Хъазиты Чермен нын раргом кодта йæ куысты сусæгдзинæдтæ. Уголовон хъуыддæгтæм сæрмагонд цæст дары къорды разамонæг. Æмбырды æрдзурынц алы хъуыддагæн дæр скæнынц хатдзæгтæ, рахæссынц уынаффæ. Уый фæстæ разамонæг ратты амындзинæдтæ дарддæры куысты фæдыл. Куыстмæ кæсынц бæрнон цæстæй. Алы лыстæг хайæн ис йæхи нысаниуæг. Иуæй иу хатт уыцы хай свæййы хъуыддаджы райхалæн. Куымехты Владислав у районты *хсæн слестгæнæн хайады сæргълæууæг. кусджытæ уæлдай æргом цæмæ здахынц уый махæн фæбæрæг кодта. Куымехты Владислав УФ йы слестгæнæн комитеты РЦИ-АЛАНИЙЫ слестгæнæн управленийы Дзæуджыхъæуы слестгæнæн хайады разамонæг Не ргом здахæм бирæ фарстатæм, фæлæ уæлдай цæстæнгас æнахъом сывæллæтты ныхмæ фыдракæндтæ райхалынмæ. Сæрмагонд хъусдард ис дохтырты рæдыдтытæм, уæлдайдæр адæмæн æнæниздзинадæн знаггад чи хæссы уыцы цаутæм. Кусæм гъе уыцы хъуыддæгтæ равзарыныл æмæ сæ сбæлвырд кæныныл. Аххосджынтæ цæмæй дзуапп радтой. Бамбарын æмæ равзарын уголовон хъуыддаджы æппæт сусæгдзинæдтæ. Уый у слестгæнæджы сæйраг хæс. Нæ бæстæйы алы бон дæр цæуы алыхуызон закъондхæлдтытæ. Уый дзурæг у ууыл æмæ професси слестгæнæг у ахсджиаг. Хуымæтæг куыст нæу. Уыдонæй аразгæ у куыд иу адæймаджы афтæ æнæхъæн бæстæйы æдасдзинад дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv