Гуыпп гæрах

Æнæнхъæлæджы уавæрты управленийы кусджытæ Ног азы бæрæгбоны агъоммæ аразынц рейдтæ, пиротехникæ кæм уæй кæнынц, уыцы дуканитыл. Иртасынц æнæзакъонæй кусджыты. Уæйгæнджытæм хъуамæ уа кусынæн бардæттæг гæххæттытæ æмæ сертификаттæ. Кæмæ не сты, уыдонмæ адæм хъуамæ хæстæг дæр ма цæуой. Æнæзакъон пиротехникæ цавæр фæстиуджытæм расайдзæн, уый зын зæгъæн нæу. Арæх сæ фæстæ адæймаг рынчындонмæ уæззау цæфтæй бахауы. Ахæм фыдбылызы аххосджыны бацагурын та зын у, дзуаппдæттæг ын нæ вæййы. Уæдæ зынгсирвæзтытæ цал хатты расайдтой, уымæн та банымайæн дæр нæй. Ирвæзынгæнæн службæйы кусджыты ныхæстæм гæсгæ, уæйгæнджытæ æнæмæнг хъуамæ æлхæнджытæн æмбарын кæной пиротехникæйæ раст пайда кæныны `гъдæуттæ. Æнæзакъонæй пиротехникæ уæй кæныны тыххæй уал сарæзтой административон протоколтæ. Иуæй-иу пиротехникон æрмæджытæ байсын дæр бахъуыд. «Рейдты рæстæг нæ цæст æрдарæм, дуканиты сертификаттæ æмæ уæй кæнынæн æмбæлгæ документтæ ис æви нæ, уымæ. Æркæсæм дуканийы бæстыхаймæ. Дзуапп дæтты зынгсирвæзты ныхмæ домæнтæн æви нæ, уый раиртасæм. Продукцийыл хъуамæ уа амынддзинæдтæ уырыссаг æвзагыл. Стæй ма сæ пайда кæныны æмгъуыд хъуамæ ивгъуыд ма уа», — Дзæуджыхъæуы Терчыфалейы районы сгарæн æмæ профилактикон хайады паддзахадон инспектор Дзантиаты Марат. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv