2020 азы йæ фæнд кæнынц 3,8% фæфылдæр кæнын

Мадæлты капиталы тыххæй ма иу хъусынгæнинаг. 2020 азы йæ фæнд кæнынц 3,8% фæфылдæр кæнын. Паддзахадæн уый куы бантыса, уæд фиддонты бæрц уыдзæн 466 мин 617 сомы. Индексацигонд æрцæудзæн канд сертификат нæ, фæлæ ма æххæстæй хардзгонд че не `рцыд уыцы сертификаттæ дæр. Уый тыххæй вице-премьер Татьяна Голикова фехъусын кодта социалон-фæллойадон ахастдзинæдты фæдыл арæзт къамисы æмбырды. Фыццаг сывæллонæн фиддонтæ фидыны æмгъуыд афæдз æмæ `рдæгæй æртæ азмæ кæй аргъæвтой, уымæ гæсгæ 2020-æй 2022-æм азмæ федералон бюджеты уæлæмхасæн æвæрд æрцыд 74 миллиард 900 милуан сомы. Афтæмæй сывæллæттæм чи кæсы, уыцы ныййарджытæн æрвылмæйы фиддонты рæстæмбис бæрц ныртæккæ у 12 мин сомы. Уæрæсейы хицауады ныхæстæм гæсгæ, иннæ аз октябры мæй 3,8% индексацигонд æрцæудзæн бюджетниктæ кæй хонынц, уыдонæн сæ мызд. Чысыл раздæр та, бæлвырдæй, фыццæгæм январæй фæстæмæ, æппынкъаддæр мызды бæрц æмæ фæцæрынæн æппынкъаддæр æхцайы бæрц хъуамæ æмхуызон бауой - 12 мин 130 сомы. Уыцы мадзæлттæн 2019 азы рахай кæндзысты 20 миллиард æмæ 900 милуан сомы. Фæдзæхстадон пенситыл бафтдзæн 6,6%, социалон пенситыл та 7%. Ацы аз инфляци 4% -æй фылдæр хъуамæ ма уа - фæнысан ма кодта Татьяна Голикова. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv