Паддзахадон автоинспекцийы кусджытæ аразынц профилактикон мадзæлттæ

Æрыдоны районы паддзахадон автоинспекцийы кусджытæ аразынц профилактикон мадзæлттæ. Адæмимæ ныхас кæнынц æдасдзинады домæнæхæлдтытæ фыдбылызмæ кæй расайынц, уый тыххæй. Инспектортæ радзырдтой ныхмæцæуæг фæндаджы хаймæ рахизын тæссаг цæмæй у, уый. Ахæм домæнхæлдтæ арæхдæр æмбæлы се ‘ппæты ‘хсæн. Уæдæ фыдбылызтæ дæр расайынц. Уыцы хъуыддаджы хъыгдард æййафынц канд уыцы хæдтулгæйы скъæрджытæ нæ, фæлæ ма фæндагыл æндæр цæуджытæ дæр. Рейды рæстæг инспектортæ шофыртæн сæ зæрдыл æрлæууын кодтой, нозтджынæй кæй æрцахсой, уыцы шофырты карз æфхæрдзысты, уый. Сæрмагондæй байсдзысты хæдтулгæ скъæрынæн бардæттæг гæххæтытæ 2 азмæ. Уымæй уæлдай ма иваргонд цæудзысты 30 мин сомы бæрц. Дыккаг хатт закъоны сæрты чи ахиза, уыдоны та ма ахæстоны дæр сбадын кæндзысты. Паддзахадон автоинспекцийы кусджытæ сидынц, цæмæй шофыртæ къæрцхъусдæр уой æмæ æдасдзинады домæнтæ æххæст кæной. Тæссаг уавæр фæндаджы чи æвзæрын кæны, уыцы знаггадгæнджыты миты тыххæй та æвæстиатæй хъусын кæнæнт 02 номырмæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv