«Алания Медиа-2018»

Æрыгон журналистты форум «Алания-Медиа» абон байгом Цæгат Ирыстоны. Архайынц дзы дзыллон хабархæссæг фæрæзты минæвæрттæ Цæгат Кавказы алы регионтæй. Форуммæ курдиæттæ балæвæрдтой 200 адæймагæй фылдæр. Кадджын уазджыты 'хсæн уыди нæ республикæйы сæргълæууæг Битарты Вячеслав. Архайджытæн арфæйы ныхæстæ ракодта. Мадзалæн йæ сæйраг нысан у Цæгат Кавказы æрыгон æмæ курдиатджын журналисттæн баххуыс кæнын. Сæ профессионалон зонындзинæдтæ сын фæхъæздыгдæр кæнын. Форумы программæ у тынг цымыдисаг. Йæ архайджытæн сараздзысты дæсныйад æвдисæн ахуыртæ. Байхъусдзысты нæ бæстæйы хуыздæр специалистты лекцитæм. Уыимæ ма, ныхас цæудзæн дæсныйады нырыккон ивддзинæдты тыххæй. Кæронбæттæны та сбæрæг кæндзысты конкурсы уæлахиздзауты. Уæ зæрдыл уын æрлæууын кæндзыстæм, форум æртыккаг хатт кæй сарæзтой. Ууыл бакуыстой æхсæнадон организаци «Ассоциация молодых журналистов», Цæгат Ирыстоны мыхуыры æмæ дзыллон коммуникациты комитет, республикæйы журналистты цæдис æмæ Цæгат Ирыстоны паддзахадон университет. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv