Дзæуджыхъæуы фæндæгты фæйнæ фарс бæлæсты къалиутæ тынг ахæлиу сты

Дзæуджыхъæуы фæндæгты фæйнæ фарс бæлæсты къалиутæ тынг ахæлиу сты. Ранæй рæтты къалиутæ сæхгæнынц фæндаггон нысаниуджытæ æмæ светофортæ. Хатгай зынгæ дæр нал фæкæнынц. Уый та фæхъыгдары шофырты æмæ арæх фæндаггон фыдбылзтæм дæр расайы. Уавæр зонгæйæ, паддзахадон автоинспекцийы кусджытæ рабæрæг кæнынц тæссаг бынæттæ. Стæй бавналынц бæлæсты къалиутæ лыг кæнынмæ. Ныртæккæ куыстыæ цæуынц Петр Барбашовы æмæ Æрыдойнаг уынгты, Къостайы проспекты æмæ Пушкины уынджы. Бæласы къалиутæ фæцыбыр кодтой. Куыстыты фæткмæ гæсгæ фæстæдæр базилдзысты иннæ уынгты бæлæстæм дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv