Ирвæзынгæнджытæ уал абон фесты Хъазыбеджы хох хæдтæхæйгӕй сгарын. Уым фесæфт Самарæйы облæстæй альпинист. Ссарын æй сæ бон нæ баци. Тыхджын дымгæ кæй кодта, уый тыххæй хæдтæхæгæн йæ бон не сси 4 мин 200 метры бæрзæндыл лæгъз бынатыл æрбадын. Фæстаг хатт альпинисты федтой Перьмæй спортсментæ 4 мин 900 метры бæрзæндыл. Уыдон дæр хызтысты уыцы цъуппмæ. Альпинист цы бынаты хъуамæ уа, уырдæм фистæгæй цæуынц 6 ирвæзынгæнæджы. Ныридæгæн схызтысты 3 мин 100 метры бæрзæндмæ. Райсомы 6 сахатмæ хъуамæ Цæгат Ирыстонмæ ногæй æрбатæха Уæрæсейы æнæнхъæлæджы уавæрты министрады хæдтæхæг МИ-8. Кæд сæ боныхъæд бауадза, уæд ирвæзынгæнджытæ æрбаддзысты Хъазыбеджы хохы лæгъз бынаты. Уæд дыууæ къордæй агурдзысты альпинисты. Æдæппæтæй йæ агуырдтой 10 ирвæзынгæнæджы æмæ техникæйы 4 иуæджы. Уæ зæрдыл уын æрлæууын кæндзыстæм, Новокуйбышевскæй нæлгоймаг фесæфт Хъазыбеджы хохмæ хизгæйæ. Уыдысты æртæйæ. Алпинисттæ хохмæ схизыны размæ регистраци не скодтой.