"Уæрæсейы сылгоймæгты цæдис" арфæйы фыстæджытæ радта цæгат Ирыстоны медицинон академийы 10 студентæн

Ахъазджын хъæппæристæ æмæ æххуысы гæнæтæ. Цæгат Ирыстоны паддзахадон медицинон академийы дзæбæхгæнæн факультеты 6-æм курсы 10 студенты патриотон акцийы архайды тыххæй схорзæхджын кодтой бузныджы фыстæджытæй. Кадджын мадзал ацыд Республикон клиникон рынчындоны кафедрæйы. Уымæй уæлдай, лæппутæ æмæ чызджытæн радтой зæрдылдарæн лæвæрттæ. Медицинон академи æмгуыст кæны Уæрæсейы сылгоймæгты цæдисимæ, ныр 30 азæй фылдæр. Уыдон не 'фсæддонтæн æххуыс кæнынц æппынæдзух. Уæ зæрдыл уын æрлæууын кæндзыстæм, Фыдыбæстæ хъахъхъæнæджы боны фæдыл студенттæ раарфæ кодтой Дзæуджыхъæуы æфсæддон госпиталы 30 медицинон хойæн.