Цæгат Ирыстоны райдайдзысты исын ног киноныв «Один»

Цæгат Ирыстоны райдайдзысты исын ног киноныв «Один». Уый тыххæй нын радзырдта сфæлдыстадон къорд. Кæрдтимæ тох, хæстон архайд æмæ бæхты дугъ. Сценарий ныффыста Джусойты Мурат. Йæ бындурыл таурæгъ. Не заманты чи цард, ахæм хъайтартæ - Уддан, Кришна, Будда. Сæрмагондæй Уддан стæры Цæгатмæ куыд ацыд, уый тыххæй. Сценаристты фæнды равдисын индо-ирайнаг дуне ирон фольклоримæ куыд æнгом баст у, уый. Киноныв исын райдайдзысты 2020 азы райдиан. Ныридæгæн уал систой тизер. Бацæттæ йæм кодтой каскадерты труппæ, Уртаты Эльбрус сæ разамонæг, афтæмæй. Бæстон ныв сисынæн хъæуынц фæрæзтæ, уыдонæй та проект аразджытæ сты къуындæг. Кинонывы исдзысты Цæгат Ирыстоны æмæ Сау денджызы был. Хъаздзысты дзы ирон актертæ дæр. Сæйраг режиссер Дзусты Барисы ныхæстæм гæсгæ, проект хъæуы Цæгат Ирыстоны кинематографи сæндидзынæн. Хъуыддаг афтæ у, æмæ советон кинойы дæр, уæрæсейаг кинойы дæр ис ахæм кинонывтæ куыд «Александр Невский», «Петр Первый», мах национ хъайтартæ та никуы æвдыст цæуынц. Уый тыххæй мæ фæндит, ахæм киноныв куы фæзынит, уый. Цæмæн? Цæмæй нæ фæсивæдæн фадат уа йæ истори æмæ эпосимæ базонгæ уæвынмæ. Нæ фыдæлты цардыуагимæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv