Пъæлицæйæгтæ æрцахстой, наркотиктæ æнæзакъонæй чи парахат кодта, уыдоны

Цæгат Ирыстоны наркотикты ныхмæ тохгæнæг пъæлицæйæгтæ æрцахстой, наркотиктæ æнæзакъонæй уæй кæныны тыххæй кæй азымджын кæнынц, уыдоны. Оперативон-агурæн мадзæлтты рæстæг æрцахстой Дзæуджыхъæуы цæрæджы. 1978-æм азы гуырд нæлгоймагмæ йæ дзыппы ссардтой урс тыхтон. Иртæстыты хатдзæгтæм гæсгæ, уыцы ссад разынд героин. Сбæрæг ма ис, знаггадгæнæг наркотиктæ къухæй-къухмæ кæй уæй кодта йæ хæдзары цур, уый. Æдæппæтæй фыдгæнæгмæ ссардтой героины 59 граммы. Наркотиктæ кæй уæй кодта, уый тыххæй йын раздæр дæр ма стæрхон кодтой. Уголовон кодексы 228-æм «Æнæзакъонæй наркотикон буаргъæттæ парахат кæныны тыххæй» статьямæ гæсгæ закъонхалæг, гæнæн ис, æмæ ахæстоны фæбада 20 азы. Куыст дарддæр лæмбынæгæй цæуы. Барадхъахъхъæнджытæ та нæ республикæйы цæрджытæм сидынц, цæмæй фыдгæнджытæй сæхи хъахъхъæной. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv