Паддзахадон автоинспекцийы кусджытæ фембæлдысты лагерь «Патриот»-ы хъомылгæнинæгтимæ

Цæгат Ирыстоны паддзахадон автоинспекцийы, стæй ахуырад æмæ наукæйы министрады кусджытæ фембæлдысты лагерь «Патриот»-ы хъомылгæнинæгтимæ. Сарæзтой сын профилактикон ныхас æмæ ахуыртæ фæндаггон æдасдзинады домæнтæ куыд æххæст кæнын хъæуы, уый фæдыл. Уыимæ ма, автоинспекцийы кусджытæ сабитимæ æрныхас кодтой, шофыр æмæ бæлццоны æдасдзинадæн хъæугæ мадзæлтты тыххæй. Уæлдайдæр фæбæрæг кодтой фистæгæ цæуыджыты æдасдзинадыл. Инспекторты ныхæстæм гæсгæ, изæрыгон хъуамæ æнæмæнг пайда кæной рухс фæстæмæ чи здахы, ахæм элементтæй. Уымæн æмæ шофыртæ сæ æнæфенгæ нæ уыдзысты. Афтæмæй фæндаггон фыдбылызæй дæр афтæ тæссаг нæ уыдзæн. Ахуырад æмæ наукæйы министрады минæвæрттæ, 5-æм училищæйы автоскъолайы кусджытæ семæ æрластой «Æдасдзинады лаборатори». Уый руаджы сабитæн фадат фæци практикæйы хуызы сæ зонындзиæдтæ равдисын. Хæслæвæрдтæ куыд æххæст кодтой, уымæ лæмбынæгæй кастысты лабораторийы кусджытæ æмæ инспектортæ. Мадзалы кæронбæттæны æппæт архайджытæн дæр радтой лæвæрттæ, рухс чи ‘здахы ахæм фликертæ, стæй фæндаггон æдасдзинадытыххæй чингуытæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv